Keplang kar eh ma? La aber ketok son 4 alam ning chibitha

Kardom don atum! Pirthe along majok ta keplang ke ar eh duk athema enut amonit mate isi akhei kepaprang, kachingthur lake halaso amonit mate akhei kamatha,abidi, kethek si arjan aho or pipo bonta eson alam matha tha don atum pi apot si "Plang atum ke plang lethot duk atum ke dukthurong" titi lo? Bangso alam matha dam pulote ason ke thangta kali lake "Money management" mate tangka ka manage abida kacharli. Tangka long oh atumle keplang lap ji kali tangka aphan kejor-kevan thekvek nangji anlote arideng jumhek atangka do abangta enut keplang-kiphi abangphu/abangphi man unvekji.Toh tangte don atum la sonphli kopilo elitum langsinang.
1Saving mate Kapangrum:Nangli tangka acheklo le long ba arnivang le long sita kejumnai (Minimum) 10% ke mena aphan kachipi mate kibi kenangsot.
2.Invest your saving mate kachibi atangka kapachan: Tangka Kapangrum pule pangrum aret puke chokche pangrum tang atangka pen kosonsi ansose pachan thekjima lasi abidi ri nangji emergency kenangsot aphan si bank saving account along bichot nangji athema madu ta chinilo bank along ahut(interest) long oh eh.
3.Keram akam chomathari: Enut amonit keplang kar eh along keram ke eson kaheno nai asonlo bonta rampen ale padothek ason ke keram kenangsot.
4.Nangli methang: Ahoklo nanglimena.Nangli kamatha ajakong,abida mate kethek kere henlo pirthe athak ador kedonai ahormu lo.Lasi arnivang ta akimi ason,alam kacharli mate thektang atum along kelangdun,kacharlidun ke kenangsot lo. Kardom!Nangli apor nangchipi apot.Nangli kamatha alam aber comment nangpi iktha.